Дунёнинг айни вақтда биринчи рақамли эркак теннисчиси Новак Жокович фаолиятида бешинчи маротаба Уимблдон ғолиби бўлди. Эътиборлиси, у кетма-кет иккинчи йил мусобақада зафар қучмоқда. Сербиялик теннисчи мусобақа финалида швейцариялик теннисчи Рожер Федерерни 7:6 (7:5), 1:6, 7:6 (7:4), 4:6, 12:12 (7:3) ҳисобида мағлуб этди.
Тарихда илк бор Уимблдоннинг ҳал қилувчи сетида тай-брейк ўйналди. Ушбу қоида 2019 йилдан кучга кириб, ушбу финалда айни муддао бўлди.
Яна бир эътиборли жиҳати, учрашув 4 соат 55 дақиқа давом этиб, у эркаклар ўртасида якка мусобақаларда Уимблдоннинг энг узоқ давом этган финали бўлди.
Икки теннисчи ўртасидаги қарама-қаршилик Жокович фойдасига 26-22 кўриниш олди.
Аввал Жокович Уимблдонда 2011, 2014, 2015 ва 2018 йилларда ғалаба қозонган. Эътиборлиси, 2014 ва 2015 йиллардаги финалда ҳам у айнан Федерерни мағлуб эта олган.
