Ходимларнинг иш ташлашлари режалаштирилганлиги сабабли душанба ва сешанба кунлари Лондондаги Хитроу аэропортида 172 та рейс бекор қилинади. Бу ҳақда Associated Press агентлиги хабар қилди.
Иш ташлашлар таркибига хавфсизлик хизмати, ўт ўчириш хизмати ходимлари ва инженерлар кирувчи Unite union касаба уюшмаси ҳамда аэропорт раҳбариятининг маошлар борасида келиша олмагани билан боғлиқ. Касаба уюшмаси ходимлар маошининг 7,3 фоизга оширилишига рози бўлмади.
Йўловчиларга рейслар ҳақида маълумот олиш учун ўз авиакомпаниялари билан боғланиш тавсия этилмоқда. Аэропорт раҳбарияти иш ташлаш боис йўловчиларни хавфсизлик текширувидан ўтишга кўп вақт кетиши мумкинлигидан огоҳлантирмоқда.
