Жээнбеков Қирғизистон хавфсизлик кенгашини чақирди

Қирғизистон президенти Сооронбай Жээнбеков собиқ президент Алмазбек Атамбаев қўлга олинганидан сўнг мамлакат хавфсизлик кенгашини чақирди. Бу ҳақда Қирғизистон республикаси президентининг расмий сайтида маълум қилинган.

«Мамлакат раҳбари Алмазбек Атамбоевнинг Конституция ҳамда қонунларни кескин тарзда бузганини таъкидлади. Сооронбай Жээнбеков Қирғизистон қонун устувор бўлган давлат эканини, давлатнинг вазифаси барча фуқароларни назорат қиладиган қонуннинг талабларини бажариш эканини айтди», — дейилади хабарда.

Йиғилиш давомида Қирғизистон давлат хавфсизлик қўмитаси раиси Орозбек Опумбаев, ички ишлар вазири Кашкар Жунушалиев ҳамда бош прокурор Ўткурбек Жамшитовлар Атамбоевнинг қўлга олиниши ҳақида ҳисобот беришди.