«Ўзбекистон туристик магистрали» туристик транспорт йўлаги барпо этилади

Ўзбекистон Республикаси президенти “Ўзбекистон Республикасида туризм соҳасини янада ривожлантириш чора-тадбирлари тўғрисида”ги фармонни имзолади.

Ҳужжат билан Ўзбекистон Республикаси Туризмни ривожлантириш давлат қўмитаси ва Ўзбекистон Республикаси Инвестициялар ва ташқи савдо вазирлигининг Андижон вилояти, Хонобод шаҳридан Қорақалпоғистон Республикаси Мўйноқ шаҳригача, Сурхондарё вилоятининг Термиз шаҳрига алоҳида йўналиш очган ҳолда, автомобиль йўллари бўйлаб йўлбўйи инфратузилмаси ва туристик хизматлар ривожланишини таъминлайдиган «Ўзбекистон туристик магистрали» туристик транспорт йўлагини яратиш бўйича таклифларига розилик берилди.

«Ўзбекистон туристик магистрали» транспорт йўлаги бўйлаб автомобиль йўллари ва йўлбўйи инфратузилмасининг ҳолатини ўрганиш бўйича ишчи гуруҳ тузилади.