Шомуродов янги мавсумдаги 5та ўйиндан 4тасида «Ростов»нинг энг яхши футболчиси бўлди
«Ростов» расмий сайтида ўтказилган сўровномага асосан ҳужумчи Элдор Шомуродов жамоанинг РПЛ 5-туридаги «Крилья Советов»га қарши ўйиндаги энг яхши футболчиси деб топилди.
Душанба куни Ростовда 28 мингдан ортиқ мухлис қаршисида ўтган ўйинда (1:0) 24 ёшли ўзбекистонлик футболчи ғалаба голи муаллифи бўлган эди.
Эътиборлиси, жамоа мухлислари ортда қолган 5та турдан 4тасида Шомуродовни энг яхши футболчи деб топишди.
У бунга қадар «Оренбург» (2:1), «Арсенал Тула» (2:3) ва «Урал» (2:2) билан баҳсларда ҳам ростовликларнинг энг яхши футболчиси бўлганди.
Эслатиб ўтамиз, Элдор 5 ўйинда 4та гол билан Россия чемпионати тўпурарлари рўйхатини бошқариб турибди. Артём Дзюба («Зенит») ва Александр Соболев («Крилья Советов») ҳисобида ҳам 4тадан гол бор, аммо уларнинг биттадан голи – пенальти маҳсули.
Турнир жадвалида иккинчи ўринда бораётган «Ростов» 6-турда «Уфа» меҳмони бўлади. Ўйин 18 августга белгиланган.
Мавзуга оид
12:18 / 26.08.2024
Шомуродов гол уришни бошлади, «Челси» футболчилари «қутурди». Европада кун ўйинлари
11:49 / 23.08.2024
Ростов вилоятида нефт базалари оммавий равишда сотилмоқда
14:30 / 13.08.2024
Шомуродов МЛС клубига ўтиши мумкин. Музокаралар бошланди — Романо
10:30 / 03.08.2024