Шомуродов – Россияда ойнинг энг яхши футболчиси бўлди

Фото: © Андрей Аносов

«Ростов»нинг ўзбекистонлик ҳужумчиси Элдор Шомуродов Россия Премьер-лигасида август ойи якунларига кўра энг яхши футболчи деб топилди.

РПЛ экспертлари ҳам, «Матч Премьер» экспертлари ҳам, мухлислар ҳам бир овоздан Шомуродовни ойнинг энг яхшиси деб топишган.

Ўзбекистон терма жамоаси ҳужумчиси август ойида Россия чемпионатида 5 ўйинда майдонга тушиб, рақиблар дарвозасини 5 бор ишғол қилган. У Александр Соболевни («Крилья Советов») 1 гол фарқи билан ортда қолдириб, жами 7 гол урган ҳолда тўпурарлар пойгасида биринчи ўринда бормоқда.

🌟 Элдор Шомуродов – лучший игрок #РПЛ в августе!

🙌 Эксперты РПЛ, эксперты @matchpremier и болельщики единогласно выбрали нападающего @rostovfc!

5⃣ В пяти матчах в августе Шомуродов забил пять голов!#ИгрокМесяцаРПЛ #Шомуродов pic.twitter.com/HqKKQseaHc
— Российская Премьер-Лига (@rfpl) September 3, 2019

Июль ойида ҳам Шомуродов ойнинг энг яхши футболчиси бўлиш учун номзодлар қаторига кирган, аммо ўшанда бу мақом Соболевга берилганди.

Шунингдек, «Ростов» бош мураббийи Валерий Карпин август ойининг энг яхши мураббийи деб топилди. РПЛ экспертлари ўз овозини «Краснодар» бош мураббийи Сергей Матвеев учун беришганди, «Матч Премьер» экспертлари ва мухлислар Карпинни танлашди.

Август ойида донликлар «Крылья Советов» (1:0), «Рубин» (2:1) ва «Локомотив» (2:1) билан ўйинларда ғалаба қозонди, «Урал» билан ўйинда дуранг ҳисоб қайд этилди (2:2) ва «Уфа»дан мағлуб бўлинди (0:2). Валерий Карпин июль ойида ҳам чемпионатнинг энг яхши бош мураббийи сифатида тақдирланганди.

🔝 Валерий Карпин во второй раз подряд признан Лучшим тренером месяца в #РПЛ!

🗳 Эксперты РПЛ отдали свои голоса за тренера «Краснодара» Сергея Матвеева, болельщики и эксперты МАТЧ ПРЕМЬЕР проголосовали за Валерия Карпина! 👏#РПЛ #ТренерМесяцаРПЛ #Карпин pic.twitter.com/RyoiO51mho
— Российская Премьер-Лига (@rfpl) September 3, 2019