Қўшимча функционаллар
-
Тунги кўриниш
Беларусь Украина билан чегарасини тўлиқ ёпди
Фото: Михаил Метцель/ТАСС
Беларусь Украина билан чегарасини тўлиқ ёпди. Беларусь президенти Александр Лукашенконинг таъкидлашича, бунга Украинадан қурол кириб келаётгани сабаб бўлган.
“Биз ўз иниларимиз, бизга яқин одамлар билан чегарани азалдан 1-рақамли душман бўлиб кўринган НАТОдан ҳам зичроқ ёпишга мажбур бўлдик”, деб айтган Лукашенко Минскда ўтган террорчиликка қарши инновацион ёндашувлар билан курашиш бўйича халқаро анжуманда.
У агар бу қурол “оддий ва айниқса миллатчи кайфиятдаги одамлар қўлига тушса, террорчиликни кутавер” деб айтган.
Беларусь давлат чегараси қўмитасида маълум қилинишича, 2018 йилда Украина билан чегарада 800 дан кўпроқ ўқ-дори ва 76 та қурол мусодара қилинган. Ўшанда Лукашенко давлатнинг жанубий сарҳадлари қўриқланишини кучайтиришни буюрган ва чегарачилар сони оширилиши мумкинлигини айтган.
