«Давр Банк» халқаро VISA тизимининг Classic, Gold, Platinum ва Infinite карталарини тақдим этади

Жорий йилнинг 29 сентябрида бизнинг банкимиз 18 ёшга тўлди – бу умумэътироф этилган вояга етганлик ёши ҳисобланади. Ажойиб сана муносабати билан банкимиз мижозларига совғалар ҳозирладик – VISA халқаро тўловлар тизимининг янги маҳсулотларини йўлга қўймоқдамиз.

Булар Classic, Gold, Platinum ва Infinite карталаридир.

Тан олиш керак, VISA тизими бугунги кунда республикамизда кучли ривожланган инфратузилмага эга эмас. Аммо у энг оммабоп тизимлардан бири эканлиги шубҳасиз. VISA карталари ёрдамида дунёнинг барча бурчакларида харидни амалга ошириш мумкин, бу тизим деярли ҳамма давлатларда ишлайди.

Бугунги кунда иқтисодимиз жадал ривожланмоқда, бунга асос бўлаётган ўзгаришларни четдан туриб ҳам, ўзимизда кузатиб ҳам сезиш мумкин. Иқтисодиёт ривожланиши ортидан халқимиз даромади ва фаровонлиги ҳам ошиб боради.

«Давр Банк» мижозлари хорижга кўпроқ саёҳат қиладилар ва бу сафарларда уларга халқаро карталар керак бўлади. Янги карталарни тақдим этарканмиз, биз биринчи навбатда ўз мижозларимиз, уларнинг эҳтиёжлари ҳақида ўйладик. Бу карталар дунё бўйлаб хавфсиз ва қулай саёҳат учун кўмак беради.

Биз VISA тизимидаги Ўзбекистон учун янги бўлган маҳсулот – VISA Infinite карталарини таклиф этаётганимиздан мамнунмиз. Чунки улар консьерж сервис, дунё бўйлаб бизнес залларга кириш имконияти, хорижга чиқувчилар учун кенгайтирилган суғуртадан фойдаланиш каби хизматларни ўзида жамлаган.

«Давр Банк» VISA Gold ва VISA Platinum каби маҳсулотларни тақдим этаркан бу карталарнинг дунёвий нуфузини ҳисобга олдик. Бу йилнинг тўртинчи кварталидаёқ карталар ёрдамида консьерж сервис, хорижга чиқувчилар учун суғуртадан фойдаланиш мумкинки, бу республикамизда мазкур турдаги маҳсулотлар тақдим этишда ноёб усулдан дарак беради.

«Давр Банк» таклиф этаётган VISA карталар ёрдамида банк мижозлари харидларни комиссия ва фоизларсиз амалга оширишлари мумкин. Бу ҳам халқаро карталарни тарификациялашда бутунлай янгича ёндошувдир.

Ўз маҳсулотларини тақдим қиларкан «Давр Банк» мижозлари, хизматлари улар учун қулай бўлиши ҳақида қайғуради.

«Давр Банк» матбуот хизмати

Реклама ҳуқуқи асосида