Ladа. Анъаналар. Барқарорлик. Истиқбол!

Машҳур ва қадрдон бренд ўзининг янги маҳсулотларини гўзал ҳудудлардаги экстремал шароитларда синовдан ўтказди. Натижалар кутилганидан аъло!

Ўзбекистон ва қатор хорижий ОАВ вакиллар қатори Kun.uz сайти вакиллари ҳам Lada компаниясининг навбатдаги тақдимотида иштирок этдилар.

Анъаналар

Lada бренди ўзбек халқи учун азалдан таниш ва кўнгилга яқин. Узоқ йиллар давомида бу марка автомобилини харид қилиш кўпчилик юртдошларимиз учун орзу бўлиб келган. Кейинчалик ўз автосаноатимизга эга бўлдик, орзулар ўзгарди.

Аммо сўнгги икки йил ичида ҳаммаси янгитдан бошлангандек бўлмоқда. Қадрдон бренд нафақат омад билан қайтди, балки йилдан-йилга такомиллаштирилган моделлар билан ҳайратда қолдирмоқда.

Барқарорлик

Бренднинг Ўзбекистон бозорига янгича қиёфада қайтиши дарҳол диққатни жалб қилганди. Кейинчалик ҳам диди юқори харидорнинг бу эътибори сусаймади, аксинча барқарор орта борди. Бу эса дастлабки харидлар ўзини оқлагани, кейинги мижоз айнан олдингиси берган баҳога кўра келганини англатади. Зеро ҳеч бир реклама, бирор тарғибот ўзи синаб кўрган харидорнинг бир оғиз холис сўзига тенг кела олмайди.

Бунинг рақамлардаги ифодаси ҳам бор албатта – 2019 йилнинг ўтган 10 ойи давомида Ўзбекистондаги Lada савдо ҳажми 3 баробар ортган ва бу кўрсаткич жиҳатдан мамлакатимиз алоҳида ўсиш кузатилган барча МДҲ давлатларини ортда қолдирган!

Экспорт бўйича раҳбар Амели Мэн хоним тақдим этган умумий рақамларга эътибор берсак, ўтган 3 йил давомида Lada Vesta моделининг ташқи савдо ҳажми 4 баробар ошганига гувоҳ бўлишимиз мумкин.

Истиқбол

Энг қизиғи шундаки, Lada бренди эришилган ютуқлар билан тўхталиш ҳақида ўйламаяпти. Биз ҳикоя қилаётган тақдимот ҳам бунинг яққол исботи бўлди. Шу пайтга қадар ўтказилган тақдимотлардан фарқли равишда бу сафар автомобилларни энг оғир шароитларда синаб кўриш имкони туғилди. Босиб ўтилган манзилларга назар ташлашнинг ўзи кифоя: “Минводи-Кисловодск-Архиз-Ратан-Пятигорск”.

Тақдимот ташкилотчилигига ҳам алоҳида тўхталиш лозим: иштирокчилар, меҳмонлар ва мухбирлар Кавказ тоғларининг энг гўзал манзараларидан баҳра олиш имкониятига эга бўлдилар. Кисловодск шаҳридаги маъданли сув масканлари, ҳашаматли ресторанлар, Элбрус тоғ чўққисининг ақл бовар қилмас улуғворлиги, Архиз тоғ-чанғи комплексидаги сунъий қорлар, чўққиларга олиб чиқувчи кабиналар, Пятигорск шаҳридаги тарихий кўчалар, курортология тадқиқот марказлари, Кубань сув омборининг ҳайбати, Ратан самони кузатиш маркази, Гумбоши довонидаги арчазорлар... Буларнинг бари ҳар бир ташриф буюрувчининг кўнглида абадий муҳрлангани аниқ.

Бу шунчаки равон йўллар эмас – Lada Vesta автомобилининг янги моделлари трассаларни, қишлоқлараро ички йўлларни, довонларни, 5642 метр баландликдаги Элбрус чўққиси остига олиб борувчи лой ва қорли йўналишларни, гавжум шаҳар ичидаги тирбанд кўчаларни сабот билан босиб ўтди.

Ҳар бир манзилга йўл олганда равон ҳаракат, қулай салон ичидаги янги имкониятлар, ташқи оламни (айниқса тақдимот манзили бўйлаб гўзал манзараларни) кузатишдаги шаффоф ойналар, автомобилнинг йўлни писанд қилмай илдам ҳаракатланиши кишини завқлантирмай қўймайди.

Дарвоқе, LADAнинг Ўзбекистондаги расмий импортчиси мавжуд ва бу автомобиллар тўла кафолат, қатор бонуслар ва келгусидаги техник хизматлар имкони билан таклиф этилади. LADAнинг Ўзбекистондаги расмий дилери саналган «ROODELL» МЧЖ айни пайтда ҳам LADA Vesta SW Cross автомобилини 7 500 000 сўмгача фойда билан харид қилишни таклиф этмоқда.

Аброр Зоҳидов, Тошкент-Москва-Минводи-Кисловодск-Архиз-Пятигорск-Минводи-Москва- Тошкент.

Реклама ҳуқуқи асосида