Қўшимча функционаллар
-
Тунги кўриниш
Покистон армияси Кашмир масаласида муроса қилинмаслигини маълум қилди
Қамар Жавод Бажва / Фото: Getty Images
Покистон қуруқликдаги қўшинлар штаби бошлиғи Қамар Жавод Бажва Покистон Кашмир масаласи бўйича муросага тайёр эмаслигини маълум қилди.
"Бизнинг тинчликка интилишимиз ожизлик сифатида қабул қилинмаслиги керак. Биз тўлиқ тайёргарлик кўрганмиз ва ҳар қандай тажовузни қайтариш қўлимиздан келади ҳамда мамлакатимизни ҳимоя қилишга тайёрмиз. Нима бўлмасин, Кашмир бўйича муросага келинмайди", деди у Кашмирдаги назорат чизиғини кўздан кечириш чоғида.
Қуруқликдаги қўшинлар штаби бошлиғи Кашмир штатининг Покистон назорати остидаги қисми ҳинд қўшинлари томонидан ўққа тутилганидан уч кун ўтиб назорат чизиғига ташриф буюрди. Ўт очишни тўхтатиш режимининг бузилиши оқибатида камида икки киши ҳалок бўлган, яна икки киши яраланганди.
Кашмир ҳудуди 1947 йилдан, Британия Ҳиндистони мустақилликка эришганидан сўнг диний белгиси бўйича иккита давлатлга бўлинганидан буён Ҳиндистон ва Покистон ўртасидаги баҳс мавзуси бўлиб келмоқда. Айни пайтда ҳудудда давлат чегараси йўқ: унинг ҳудудини назорат чизиғи иккига ажратиб туради.
Мавзуга оид
20:17 / 13.11.2024
Покистонда тўй автобуси дарёга қулаши оқибатида 22 киши ҳалок бўлди
19:27 / 13.11.2024
Покистон ва Ҳиндистонни қоплаган тутун коинотдан кўрина бошлади
19:10 / 13.11.2024
Ҳиндистон фонд бозоридаги бум: молиявий инқилоб шовқини рискларни ёпиб кетяптими?
15:12 / 09.11.2024