Қўшимча функционаллар
-
Тунги кўриниш
Спорт | 07:25 / 25.12.2019
8928
1 дақиқада ўқилади
Манжукич Қатар клубига ўтди
«Ювентус» ҳужумчиси Марио Манжукич Қатарнинг «Ад-Дуҳаил» клубига ўтди.
33 ёшли хорватияликнинг шартномаси бандлари эълон қилинмади. У Доха шаҳрида тиббий кўрикдан ўтиб, янги клуби билан меҳнат битимини расмийлаштирди.
Манжукич 2015 йилдан бери «Ювентус» шарафини ҳимоя қилиб келаётган эди. Маурицио Сарри бош мураббий бўлгач, футболчи асосий таркибдаги ўрнидан ажралди. Бу мавсумда Марио «Ювентус» таркибида бирорта ўйинда майдонга тушмади.
Манжукич фаолияти давомида «Атлетико», «Бавария», «Вольфсбург» ва «Динамо Загреб» клубларида ҳам ўйнаган.
