Бепул ҳуқуқий маслаҳат олиш учун «Мадад» ННТ ҳуқуқий маслаҳат бюроларига мурожаат қилиш мумкин

Адлия вазирлиги ташаббуси билан «Мадад» – муассаса шаклидаги нодавлат нотижорат ташкилоти ҳамда унинг Қорақалпоғистон Республикаси, вилоятлар ва Тошкент шаҳар ҳудудий бўлинмалари, шунингдек, туман (шаҳар)ларда уларнинг ҳуқуқий маслаҳат бюролари ташкил этилган.

Ҳозирда ташкилот икки хил усулда: «Advice.uz» («e-maslahat.uz») ҳуқуқий ахборот портали орқали аҳолига онлайн режимда ҳамда туман (шаҳар)ларда уларнинг ҳуқуқий маслаҳат бюролари орқали бевосита бепул ҳуқуқий маслаҳатлар бериб келмоқда.

Барча ҳуқуқий маслаҳатлар ва тушунтиришлар мутлақо бепул тарзда берилади.

Иш куни ва вақти: душанба–жума, 9:00 дан 18:00 гача.