Неаполда метро поездлари тўқнашиб кетди

Фото: ilmessaggero.it

Италиянинг Неаполь шаҳридаги метрополитенда бир нечта поезд тўқнашуви натижасида 13 киши касалхонага ётқизилди.

Il Mattino нашрининг ёзишича, тўқнашув метронинг учта таркиби иштирокида содир бўлган.

Маҳаллий транспорт компаниясининг хабар беришича, метрополитеннинг учта йўналишидан биттасида поездлар ҳаракати тўхтатилган. Жароҳатланганларни олиб чиқиш учун учта станция ёпилган.

Дастлабки маълумотларга кўра, тўқнашувга машинистлар хатоси сабаб бўлган.