Президент фармони билан Обид Арзикулович Хакимов Ўзбекистон Республикаси Президенти администрацияси раҳбарининг таълимни ислоҳ қилиш бўйича ўринбосари ҳамда ўриндошлик асосида "Янги Ўзбекистон" университети ректори лавозимига тайинланди ва шу муносабат билан Ўзбекистон президентининг иқтисодий сиёсат бўйича маслаҳатчиси лавозимидан озод этилди.
Шунингдек, Камолиддин Карамиддинович Мардонов Ўзбекистон президентининг иқтисодий сиёсат бўйича маслаҳатчиси лавозимига тайинланди ва шу муносабат билан Президент администрацияси ҳуқуқий экспертиза ва комплекс таҳлил қилиш департаменти бошлиғининг биринчи ўринбосари лавозимидан озод этилди.
Аввалроқ президент фармони билан Мактабгача ва мактаб таълими вазирлиги ҳамда Олий таълим, фан ва инновациялар вазирлиги ягона Таълим ва илм-фан вазирлиги сифатида қайта ташкил этилгани хабар қилинганди.
Шунингдек, Илхом Сираджев таълим ва илм-фан вазирининг комплаенс ва коррупцияга қарши ички назорат бўйича ўринбосари лавозимига тайинланди.
