Туркия президенти Ражаб Тоййиб Эрдўған Бирлашган Араб Амирликлари Ливия миллий армияси қўмондони Халифа Ҳафтарга ёрдам бераётган ёлланма жангариларни молиявий жиҳатдан қўллаб-қувватламоқда деб ҳисоблайди. У бу ҳақда журналистлар билан суҳбатида айтди.
"Германия канцлери Ангела Меркелнинг Туркияга ташрифи чоғида Ливиядаги вазиятни батафсил муҳокама қилдик. Биз уларга Ҳафтарнинг ёлғончи эканлигини айтдик. Миср Абу-Даби маъмурияти сингари Ҳафтарнинг асосий тарафдори ҳисобланади", - деди Эрдўған.
Унинг сўзларига кўра, БАА уларни нафақат молиявий қўллаб-қувватлайди, балки қурол-яроғ ҳам етказиб беради.
Аввалроқ 19 январь куни Берлинда ўтказилган конференцияда Халифа Ҳафтар Ливияда сулҳ тузиш тўғрисидаги битимни имзолашдан бош тортгани хабар қилинганди.
