Ҳонгконг университетидаги тадқиқотчилар 25 январь куниёқ Уханда вирусдан зарарланганлар сони 75 минг кишидан ортиқ бўлиши кераклиги ҳақида айтишганди - ўша куни Хитой расмийлари бутун дунё бўйлаб вирусдан зарарланганлар сони 2000 нафар атрофида эканини маълум қилишганди.
Lancet тиббиёт журналида чиқиш қилган тадқиқот муаллифларининг тасдиқлашича, коронавирус эпидемияси тарқалиши кутилганидан тезроқ суръатларда тарқалмоқда.
Уларнинг маълумотига кўра, 2019-nCoV коронавируси ташувчисининг ҳар бири ўртача 2-3 кишини зарарламоқда, касалланганларнинг умумий сони эса геометрик прогрессияда кўпаймоқда ва бир ҳафтада икки баробар кўпайди.
ЖССТ келтираётган расмий рақамлар эса камтар кўринишда: 3 февраль куни ҳолатига кўра, вирусни юқтирганлар сони 18 мингга яқин деб кўрсатилган (4 февраль куни бу рақам 20438 нафарга етди). Уларнинг 99 фоизи Хитойнинг материк қисмида рўйхатга олинган.
Вирусдан зарарланганларнинг умумий сони сўнгги маълумотларга кўра - 426 нафарни, соғайганлар сони - 644 нафарни ташкил этмоқда.
Ички авиарейслар ва темир йўл ташувлари статистикасини таҳлил қилган ҳонгконглик олимлар келган хулосага кўра, 25 январь кунидаёқ мингга яқин коронавирус ташувчи инфекцияни Ухандан бошқа шаҳарларга - биринчи навбатда Чунцин, Пекин, Шанхай, Гуанчжоу ва Шэньчжэнга олиб борган.
Олимларнинг огоҳлантиришича, агар вирус бу шаҳарларда ҳам шу тезликда тарқалган бўлса, «эпидемия тез орада Хитойнинг йирик шаҳарларини қамраб олади», коронавирус инкубацияси даври 1-2 ҳафтани ташкил этади, 14 кунгача у ўзини билдирмаслиги мумкин.
Уларнинг маълумотлари ЖССТнинг сўнгги статистика маълумотларига мос келади, касалланганлар сони кундан кунга тезроқ ўсмоқда.
Шанба куни 2128 киши инфекцияга чалингани аниқланди, якшанба куни - 2604, душанба куни - 2838, сешанба куни 3235 киши.
