Йўл қурилиши соҳасида «Махсус йўл диагностика маркази» тузилади

Вазирлар Маҳкамасининг “Ўзбекистон Республикаси Транспорт вазирлиги ҳузуридаги Йўл-қурилиш ишлари сифатини назорат қилиш инспекцияси фаолияти самарадорлигини ошириш тўғрисида”ги қарори лойиҳаси эълон қилинди.

Транспорт вазирлиги ҳузуридаги Йўл-қурилиш ишлари сифатини назорат қилиш инспекциясининг тузилмаси;

Транспорт вазирлиги ҳузуридаги Йўл-қурилиш ишлари сифатини назорат қилиш инспекцияси тўғрисида Низом тасдиқланади.

Транспорт вазирлиги ҳузуридаги Йўл-қурилиш ишлари сифатини назорат қилиш инспекцияси таркибида Давлат активларини бошқариш агентлиги таъсисчилигида “Махсус йўл диагностика маркази” масъулияти чекланган жамияти тузишга рухсат берилади.

Жамиятнинг асосий вазифалари этиб қуйидагилар белгиланади:

қурилиши тугалланган йўл объектларини фойдаланишга қабул қилишда сифат кўрсаткичларини аниқлаш бўйича диагностика ишларини амалга ошириш;

автомобиль йўлларидаги сунъий иншоотларни диагностика қилиш;

автомобиль йўл қурилиши объектлари учун ишлаб чиқилган лойиҳа ва бошқа ҳужжатларини муқобил экспертизадан ўтказиш;

қонунчиликда тақиқланмаган бошқа фаолият турлари.

“Ўзйўлинспекция” жамиятнинг моддий-техника базасини мустаҳкамлаш ҳамда устав капиталини шакллантириш учун махсус ускуна ва анжомларни жамиятга берилишини таъминлайди.