Қўшимча функционаллар
-
Тунги кўриниш
Самарқандда 300 миллион сўмга ер сотаётган фермер қўлга олинди
Самарқанд вилояти Булунғур туманидаги Фозил Йўлдош маҳалла фуқаролар йиғини ҳудудида яшовчи, фермер хўжалигида раис бўлиб ишлаб келаётган М.А фермер хўжалигига қарашли ердан 20 гектарини 300 миллион сўмга сотмоқчи бўлганида ИИБ ходимлари томонидан ўтказилган тадбир давомида қўлга олинди.
Фото : Самарқанд вилоят ИИБ ахборот хизмати
Бу ҳақда Самарқанд вилоят ички ишлар бошқармаси ахборот хизмати Kun.uz`га хабар бермоқда.
Мазкур воқеа юзасидан Булунғур туманида яшовчи фуқаролардан бири вилоят ички ишлар бошқармасига ариза билан маълум қилиб, қонунбузарга нисбатан чора кўришни сўраган.
Ушбу аризага асосан Самарқанд вилоят ИИБ жиноят-қидирув бошқармаси коррупция ва иқтисодий жиноятларга қарши курашиш бўлими ходимлари томонидан Булунғур туманида ўтказилган тезкор тадбир давомида М.А ерни 300 миллион сўмга сотишга келишиб, олдиндан 50 миллион сўмини олаётганида ашёвий далиллар билан ушланган.
Мазкур ҳолат юзасидан Булунғур туман ИИБ ҳузуридаги тергов бўлинмаси томонидан фермер хўжалиги раисига нисбатан Ўзбекистон Республикаси Жиноят кодексининг 168-моддаси 3-қисми «в» банди билан жиноят иши қўзғатилган.
Мавзуга оид
16:43
Самарқандда ҳисобчи тадбиркорнинг 6,4 млрд сўмини онлайн қиморда ютқазиб қўйди
08:10 / 21.11.2024
Шавкат Мирзиёев Самарқанд вилоятини ривожлантириш юзасидан йиғилиш ўтказди
08:51 / 20.11.2024
Тўрт туманда 614 млн сўмлик электр ва газдан ноқонуний фойдаланилгани аниқланди
21:20 / 19.11.2024