Қўшимча функционаллар
-
Тунги кўриниш
Ўзбекистон Қирғизистонга экспресс-тестлар ва индивидуал ҳимоя воситалари тақдим этди
Ўзбекистон Бош вазири Абдулла Арипов топшириғига асосан, Қирғизистонга индивидуал ҳимоя воситалари ва экспресс-тестлар берилди.
Қирғизистон ҳукуматининг Ўш вилоятидаги ваколатхонасидан хабар беришларича, ёрдам юклари 29 март куни тонгги соат 4да «Достук» назорат-ўтказиш пункти орқали ўтказилиб, Ўшга етказилган. Бу ҳақда Бу ҳақда Қирғизистоннинг «Турмуш» портали хабар тарқатди.
Фарғона вилояти ҳокими Шуҳрат Ғаниев 10 мингта тиббиёт маскаси ва 900та ҳимоя костюмлари, Андижон вилояти ҳокими Шуҳрат Абдураҳмонов эса 4800та экспресс-тестлар ва регаентлар жўнатган.
Назорат-ўтказиш пунктида ёрдам юкларни ҳукумат ваколатхонаси вакили У.Жилқибоев кутиб олган.
Ушбу воситалар назорат остидаги ҳудудларга коронавирусга қарши таҳлилларни олиш учун юборилади. Ҳимоя воситалари эса тиббиёт ходимларига тарқатилади.
Маълумот учун, Қирғизистонда коронавирусга чалинган илк бемор 17 март куни Жалолобод вилоятида аниқланган. Айни пайтда коронавирус юқтирган беморлар сони 94 нафарга етган.
Қирғизистонда COVID-19дан тўлиқ тузалиш ва ўлим ҳолати ҳозирча қайд этилмади.
Коронавирус Ўзбекистонда
Мавзуга оид
20:00 / 09.06.2026
“Марказий Осиёда хорижий давлатларнинг ҳарбий базаларига эҳтиёж қолмаган” — сиёсатшунослар
12:20 / 04.06.2026
Қирғизистон илк марта БМТ Хавфсизлик Кенгаши таркибига сайланди. Ўзбекистон қардош халқни табриклади
19:57 / 30.05.2026
Ўзбекистондан Қирғизистонга юборилган 21 тонна тарвузнинг ортга қайтарилиши сабаби маълум қилинди
15:28 / 28.05.2026