Қўшимча функционаллар
-
Тунги кўриниш
Электрон рақамли имзо муддатини онлайн янгилаш мумкин – ДСҚ
Карантин даврида корхоналар солиқ инспекцияларига ҳисобот жўнатишлари учун электрон рақамли имзо калитини янгилашнинг имкони бўлмаяпти. Бундай вазиятда қандай йўл тутиш керак?
18 апрел куни АОКАда ўтказилган брифингда Давлат солиқ қўмитаси бошқарма бошлиғи Музаффар Назаров ушбу саволга жавоб берди.
Маълум қилинишича, электрон рақамли имзо (ЭРИ) калитини янгилашнинг масофавий онлайн шакли йўлга қўйилган.
“Бизнесни рўйхатдан ўтказиш, экспорт-импорт шартномаларини тузиш, ҳисоботларни топшириш, шартнома ва битимлар тузиш, электрон ҳисобварақ-фактуралар каби хизматлардан уйдан туриб фойдаланиш учун электрон рақамли имзо талаб этилиши яхши маълум. Бу расмийлаштириладиган ҳужжатларнинг қонунийлигини таъминлайди.
Аммо шу кунларда Давлат хизматлари маркази томонидан жисмоний ва юридик шахсларга берилган электрон рақамли имзо сертификатининг амал қилиш муддати тугаган ёки тугайди. Давлат солиқ қўмитаси электрон рақамли имзо калитини интернет орқали реал вақт режимида олиш имкониятини ишга туширган.
Бунинг учун e-imzo.uz сайтидаги шахсий кабинетга эски калит билан кирилган ҳолда белгиланган амаллар кетма-кетлигини бажариш орқали амалга ошириш мумкин”, дея Музаффар Назаровнинг сўзларини келтирмоқда Kun.uz мухбири.
Электрон рақамли имзо калитини янгилаш тартиби:
