Эверестда 5G алоқаси пайдо бўлди

Тибетда дунёдаги энг баланд жойлашган 5G стандартидаги мобил алоқа станцияси ишга тушди. Ушбу станция дунёнинг энг баланд чўққиси Эверестни мобил алоқа билан қоплашни таъминлайди.

Фото: Синьхуа

Бу ҳақда “Синьхуа” ахборот агентлиги хабар берди.

Таъкидланишича, China Mobile мобил алоқа операторига тегишли станция денгиз сатҳидан 6500 метр баландликда қурилган. У Эверестдаги таянч лагери яқинида жойлашган.

“Янги станция аввал 5300 ва 5800 метр баландликда қурилган станциялар билан биргаликда Эверестнинг шимолий томони ва чўққисининг 5G сигнал билан тўлиқ қопланишини таъминлайди”, дейилган хабарда.