Ўтган шанба куни PSM Auto автосалонида чиндан ҳам эсда қоларли воқеа содир бўлди – Раҳматулло Атамуротов MacCoffee 3 in 1 Original ютуқ сифатида таклиф этаётган 12 та Chevrolet Cobalt автомобиллардан дастлабкисини қабул қилиб олди. Бизнинг омадли иштирокчимиз ажойиб ютуғини олиш учун Хоразм вилояти Ҳазорасп туманидан ташриф буюрди ва уйига ўзининг шахсий автомобилида қайтиб кетди.
Минг афсуски, карантин билан боғлиқ вазият туфайли компания автомобилни топшириш мўлжалланган кенг қамровли маросимни бекор қилишга мажбур бўлди. Фақат ютуқ эгасига барча санитария қоидаларига риоя қилган ҳолда Chevrolet Cobalt автомобили тантанали равишда топширилди.
«1,2,3 га ютуқлар» акцияси 2020 йилнинг 1 февралидан 2021 йилнинг 28 февралига қадар бўлиб ўтади. MacCoffee 3 in 1 Original маҳсулотининг ҳар бири промо қадоғида ноёб ва ўзига хос код мавжуд. Шу кодни 3223 қисқа рақамига йўллаган иштирокчи дарҳол код ютуқли ёки йўқлигини билиб олиши мумкин. Акция давомида 12 та Chevrolet Cobalt автомобили, 1000 дона смартфон ва 100000 кишининг баланси тўлдириб берилади. Бугунги кунга келиб 230 та смартфон эгаларига топширилди, 24800 баланс тўлдирилди.
Омадли ғолибимиз Раҳматулло Атамуротов ўзининг ютуқ эгаси бўлиш тарихи билан ўртоқлашди:
«Ўзим хоразмликман. Акция ҳақида дўконда осиб қўйилган эълон орқали билдик ва бизга қизиқарли туйилди. Мен ва акам MacCoffee қаҳвасини анчадан бери биламиз ва истеъмол қиламиз. Танловда иштирок этишга қарор қилдик ва 13 март куни акам билан кодларни жўната бошладик.
Ошхонамизда иситиш печидан фойдаланамиз. Биз сашет (йиртилувчи пакетча)ларни очиб, қаҳвани банкага тўкиб олардик ва промо кодларни жўнатардик. Натижа кўрсатилган SMS етиб келиши билан сашет ютуқли бўлмаса, уни дарҳол оловга улоқтирардик. 10-20 тача қадоқни очганимиздан сўнг айнан ютуқли сашетга етиб бордик. Ана шунда ҳаммаси кинодагидек кечди – худди мана шу сашетга тегишли кодли SMS ҳеч жўнайвермайди. Ва ниҳоят жўнатганимиздан кейин ҳам жавоб ҳаяллади. Бу орада биз айни шу сашетда ютуқ йўқ, деган хулосага келдик ва уни ҳам печкага улоқтирдик. Худди шу пайтда жавоб йўлланган SMS етиб келди!
