6та акциядорлик жамиятининг акциялари IPO ва SPO усулида таклиф этилади

Президентнинг “Капитал бозорини ривожлантириш соҳасидаги фаолиятни такомиллаштириш ва акцияларни оммавий таклиф этишнинг самарали механизмларини жорий этиш бўйича қўшимча чора-тадбирлар тўғрисида”ги қарори лойиҳаси муҳокама учун жойлаштирилди.

Ўзбекистон Республикаси Капитал бозорини ривожлантириш агентлиги, Инвестициялар ва ташқи савдо вазирлиги, Молия вазирлиги ҳамда Давлат активларини бошқариш агентлигининг тажриба тариқасида алоҳида шартлар асосида кўрсатилган корхоналарда акциядорлик жамиятлари акцияларини бирламчи (IPO) ва иккиламчи (SPO) оммавий таклиф этиш таклифига розилик билдирилади.

Акциялари алоҳида шартлар асосидаги бирламчи (IPO) ва иккиламчи (SPO) оммавий таклиф этиш асосида сотиладиган акциядорлик жамиятлари

РЎЙХАТИ

Қуйидагиларни алоҳида шартлар этиб белгиланади:

а) IPO ёки SPO йўли билан сотиладиган акцияларни харид қилиш учун аризаларни тўплаш жамиятнинг акциялар IPO’сини ташкил этиш ҳақидаги қарор қабул қилган ваколатли органи ёхуд акцияларининг SPO’сини ташкил этиш қарорини қабул қилган акциядор билан ушбу IPO ёки SPO’ни ўтказиш шартномаси тузилган андеррайтер ёки андеррайтерлар бирлашмаси томонидангина амалга оширилади;

б) андеррайтер акциядорлик жамиятини дастлабки ўрганиш натижалари асосида акциялар хариди аризаларини тўплаш учун акциянинг номинал ва баҳо қийматига боғлиқ бўлмаган нарх чегараларини белгилайди;

в) IPO ёки SPO йўли билан сотиладиган акциялар уларни харид қилиш учун берилган аризаларда кўрсатилган нархлар чегараларидан келиб чиқиб, ташаббускор билан келишган ҳолда андеррайтер белгилайдиган ягона нарх асосида инвесторлар орасида тақсимланади;

г) андеррайтерга акциялар тақсимланадиган инвесторларни танлаш, шунингдек, инвесторларга IPO ёки SPO доирасида харид қилинган акцияларни сотиш тақиқланадиган муддатни белгилаш ҳуқуқи берилади.

Белгилаб қўйилишича:

Давлат улуши мавжуд бўлган корхоналар, инвестицион маслаҳатчиларни саралаш, шунингдек, акцияларнинг давлат пакетларини сотиш усуллари, йўллари ва тартибини танлашда Агентлик билан келишиш шарт;

ўз мамлакатида қимматли қоғозлар бозорида инвестицион фаолият юритишга лицензия (рухсатнома)га эга хорижий корхонага Ўзбекистон Республикаси қимматли қоғозлар бозорида тегишли лицензиясиз, аммо маҳаллий инвестицион воситачилар билан бирлашиш шарти билан андеррайтер сифатида фаолият юритишга рухсат бериш;

давлат, жумладан, назорат қилувчи ва ҳуқуқни муҳофаза қилувчи органларга IPO ёки SPO ўтказиш йўли билан акция савдоси натижаларини қайта кўриб чиқиш ва бекор қилиш, шунингдек, акциялар таклиф нархларини ва акциялар тақсимланган инвесторлар доирасини аниқлаш натижалари масалалари бўйича ташаббус кўрсатишни тақиқлаш;

Вазирлар Маҳкамасининг 2014 йил 6 октябрдаги «Давлат мулки объектларини хусусийлаштириш тартиби тўғрисидаги низомларни тасдиқлаш тўғрисида»ги 279-сонли қарори келтирилган тажрибага татбиқ этилмайди;

фонд биржаларининг биржа котировка варағининг олий тоифасига қўйиладиган талаблар агентлик билан келишилади.

Давлат улуши етакчилик қиладиган вазирликлар, идоралар, уюшмалар, хўжалик бирлашмалари ва тижорат банкларига Агентлик билан келишмасдан Ўзбекистон Республикаси ҳудудидан ташқарида барча турдаги эмиссиявий қимматли қоғозларни чиқариш ва жойлаштириш тақиқланади.

Ўзбекистон Республикасини Қимматли қоғозлар комиссиялари халқаро ташкилотининг (IOSCO) Маслаҳат, ҳамкорлик ва ахборот алмашиш масалалари бўйича ўзаро англашув кўп томонлама меморандумига (MMoU) қўшиш мақсадида Агентликка унинг назорат функциялари доирасида жисмоний ва юридик шахслардан, жумладан, ҳуқуқни муҳофаза қилиш органлари ҳамда Марказий банкдан керакли ахборот, жумладан, махфий ахборотни олиш ҳуқуқи берилади.

Шундай тартиб ўрнатиладики, унга кўра:

а) акциядорлик жамиятлари (акциялари фонд биржанинг биржа котировка варағининг юқори тоифасида бўлса) ҳамда бозор яратувчи (маркет-мейкер) фаолиятини амалга оширувчи инвестицион воситачилар (биржа келишувларини тузиш мажбуриятини ўз зиммасига олганлигини эълон қилган пайтдан эътиборан) 2023 йилнинг 1 сентябрига қадар белгиланган солиқ ставкасининг 50 фоизи миқдорида солиқ тўлайди;

б) акциядорлик жамиятлари акциялари фонд биржанинг биржа котировка варағидан чиқариб юборилган тақдирда акциялар иштирокидаги сўнгги битимдаги нарх бўйича ўз акцияларини сотиб олишлари бўйича эълон берадилар.