Болгария бош вазири президентни дрон ёрдамида яширинча кузатув олиб боришда айблади

Таъкидланишича, аввалроқ ижтимоий тармоқларда Борисовнинг ўз ётоқхонасида дам олаётгани сурати пайдо бўлган. “Президент Радев ҳаддидан ошиб, мени суратга олиш учун уйимга дрон юбормоқда. У дронни уйимга кириш олдидаги айвонгача келтирди”, деб арз қилган Борисов матбуот анжуманда.   

Бош вазирнинг фикрича, унга қарши компромат ҳукумат томонидан тайёрланаётган геостратегик режаларга, жумладан Болгариянинг евроҳудудга ва Банк иттифоқига киришига тўсқинлик қилиш мақсадида тўпланмоқда.

Таъкидланишича, шу воқеа билан боғлиқ ҳолда миллий қўриқлаш хизмати суратларнинг пайдо бўлишини тергов қила бошлаган.

Болгария президенти ва бош вазири ўртасида можаро жорий йил бошидаёқ кузатилган. Ўшанда президент Радев ҳукумат ишончни йўқотганини, чунки фуқаролар манфаати йўлида ҳаракат қилмаётгани ва давлатни инқирозга бошлаётганини айтган.