Урганчда коронавирусли беморлар учун махсус даволаш марказлари ташкил этилмоқда

Хоразм вилояти маркази Урганч шаҳрида коронавирус юқтириб олган беморларни даволаш учун махсус марказлар ташкил этилмоқда.

Фото: Урганч шаҳар ҳокимлиги матбуот хизмати

Жумладан, Олимпия захиралари коллежининг 4та катта биносидаги спорт заллари даволаш масканига айлантириляпти. Умумий ҳисобда 708 нафар беморга ўрин тайёрланиб, уларнинг саломатлигини тиклаш учун зарур бўлган тиббиёт ускуналари билан жиҳозлаш ишлари олиб борилмоқда.

Расмий маълумотларга кўра, 30 июль ҳолатига Хоразм вилоятида коронавирус юқтириб олганлар сони 374ни, вафот этганлар сони 1ни, соғайиб кетганлар сони 312ни ташкил қилади.