Your Phone Apps хизмати Windows 10 операцион тизимининг 20185 рақамли бета талқинида ишга туширилган. Унинг ёрдамида фойдаланувчи смартфонини Wi-Fi орқали компьютерга улаб, иловаларни ишга тушириши мумкин.
Microsoft компанияси маълумотига кўра, функция ҳали мукаммал эмас, компьютерда барча иловалар муаммосиз ишлаб кетолмайди, жумладан, баъзи иловаларда сичқонча ва клавиатурадан фойдаланиб бўлмайди.
Ҳозирги вақтда сервисдан фақат Windows операцион тизимининг бета-талқинида ва фақат Samsung смартфонларида фойдаланиш мумкин. Сервис тўлиқ ишга туширилганидан сўнг, уни фақат Galaxy Note20 ускуналарида қўллаш мумкин бўлади.
Your Phone Apps сервиси Windows операцион тизимининг барча фойдаланувчилари учун ноябрь ойида ишга туширилади.
