Самарқанд вилоят телерадиокомпанияси вакиллари Ургутда қайта ташкил этиладиган телевидение билан боғлиқ ишларни ташкил этиш ва бажарилган ишлар билан танишиш учун туманга ташриф буюрган.
Улар туман ҳокимлиги вакиллари билан биргаликда Ургут телевидениеси учун ажратилиши режалаштирилган бинони кўздан кечиришган ва тегишли чора-тадбирлар белгилаб олинган.
Маълумот учун, Ургутда ўтган асрнинг 90-йиллар бошида телевидение очилган ва 2000-йилларгача фаолият кўрсатиб, сўнг иқтисодий қийинчиликлар ортидан ёпилган.
