«Арсенал» Виллиан трансферини эълон қилди

«Челси»нинг собиқ яримҳимоячиси Виллиан «Арсенал» аъзосига айланди.

«Канонирлар» ушбу бразилиялик футболчи билан 3 йиллик шартнома тузилгани ҳақида эълон қилган. Эркин агент сифатида клубга келиб қўшилган футболчи 12-рақамли футболкада тўп суради.

Аввалроқ унинг «Арсенал»даги ҳафталик маоши миқдори 220 минг фунтни ташкил этиши хабар қилинганди.

2019/20 йилги мавсумда Виллиан «Челси» сафида АПЛнинг 36 ўйинида майдонга тушиб, 9 гол урди ва 9 голга ассистентлик қилди.

Футболчи «Челси»да 2013 йилдан буён ўйнаб келаётганди. У клуб билан икки марта Англия чемпионатида ғолиб бўлган ва бир марта мамлакат Кубогини қўлга киритган.

Шу ёзда «Челси» билан шартномаси якунига етган 32 ёшли футболчи клубнинг 2 йиллик шартнома бўйича таклифини рад этганди.

🆕 New club. New colours. New beginnings.

👋 Welcome to The Arsenal, @WillianBorges88! 🔴 pic.twitter.com/B7Tl01BXLe

— Arsenal (@Arsenal) August 14, 2020