АҚШ президенти Дональд Трамп 15 октябрда Жо Байден билан бўлиб ўтадиган иккинчи теледебатда иштирок этиш ниятида эканлигини билдирди.
"15 октябрда Майамида бўладиган дебатни кутяпман. Бу гўзал бўлади!" – деб ёзди у ўзининг Twitter саҳифасида.
Бундан ташқари, Трамп ўзини жуда яхши ҳис қилаётганини ёзди.
Аввалроқ Жо Байден агарда шифокорлар хавфсиз деб ҳисоблашса, Трамп билан дебатга тайёр эканлигини айтганди.
Дональд Трамп ўтган жума куни коронавирус ташхиси билан шифохонага ётқизилганди. У душанба куни шифохонадан чиқиб Оқ уйга қайтди.
