Шу билан бирга, кунига 182 032 та синов ўтказилган, бу пандемия бошланганидан бери энг катта кўрсаткич. Аввалги антирекорд бир кун олдин қайд этилган эди – 16 079 ҳолат. Италияда касаллик юқтирганларнинг умумий сони 484 869 кишига етган.
Шу билан бирга, бугунги кунда ўлим даражаси олдинги кундан кам – 96та. Бу март ва апрель ойларида пандемиянинг биринчи тўлқини пайтида кузатилган ўлим сонидан анча паст.
Ломбардияда янги ҳолат деярли 5 мингтага етади. Вилоят баҳорда пандемия ўчоғи бўлган эди. Касаллик сони бўйича кейинги ўринларни Кампания (2280) ва Пьемонт (2032) эгаллаган.
Ҳозир Италияда 10549 бемор (+855) вирус аломатлари билан касалхонага ётқизилган ва 1049 нафари интенсив терапияда (+57). 174 минг бемор уй шароитида, 2352 киши соғайган.
Эслатиб ўтамиз, Италия шаҳарлари мэрлари мустақил равишда комендантлик соати ўрнатиши мумкин. Италияда COVID-19 касаллиги сонининг кескин ўсиши сабабли оммавий овқатланиш жойларига чекловлар қўйилган.
