Жиззахда «Ваз-2106» ва эшак арава иштирокида ЙТҲ содир бўлди, қурбонлар бор

ИИВ ЙҲХББ ахборот хизмати хабарига кўра, 1999 йилда туғилган фуқаро Б.П. “Ваз-2106” русумли транспорт воситасини катта тезликда бошқариб бораётиб, йўлнинг ўнг томонидан ҳаракатланиб келаётган эшак араванинг орқа томонидан уриб йўл-транспорт ҳодисаси содир этган.

Натижада, эшак аравада бўлган, 1958 йилда туғилган Х.Э. ҳамда 1998 йилда туғилган А.П. турли даражада тан жароҳатлари олиб Зомин туман тиббиёт бирлашмасига ётқизилган ва кўрсатилган тиббий муолажаларга қарамасдан вафот этган.

Ҳозирда мазкур ҳолат юзасидан Зарбдор тумани ИИБ ҳузуридаги тергов бўлими томонидан тергов ҳаракатлари олиб борилмоқда.