Соғлиқни сақлаш вазири Абдуҳаким Ҳожибоев бир неча халқаро миқёсдаги ахборот агентликлари журналистлари билан учрашув ўтказди.
Учрашувда Ўзбекистондаги пандемия билан боғлиқ вазият, уни жиловлашда вазирликнинг янги раҳбарияти томонидан амалга оширилаётган ишлар самарадорлиги, шунингдек, мамлакат тиббиётида мўлжалланаётган туб ислоҳотлардан кутилаётган натижалар ҳақида сўз юритилди.
Учрашувда «Спутник» халқаро ахборот агентлигидан Дилшода Раҳматова, ТАСС ахборот агентлигидан Валерий Бирюков, «Синҳуа» ахборот агентлигидан Зафар Халилов каби журналистлар иштирок этиб, ўзларини қизиқтирган саволларга жавоб олишган.