Камбожада коронавирус юқтириш билан боғлиқ илк ҳолатлар қайд этилди

Илк ҳолатлар мамлакат пойтахти Пномпен ва Сиемреап провинциясида қайд этилди. Ушбу ҳудудларда ўтказилган 2248та тест натижасида касалликка чалинганлар сони 14 нафарга етди.

Фото: Aaron Favila / AP

Камбожада коронавирус юқтириш билан боғлиқ 14та ҳолат қайд этилди. Бу ҳақда мамлакат бош вазири Хун Сен маълум қилди.

Қайд этилишича, бу мамлакат ҳудудида коронавирусга чалиниш билан боғлиқ илк ҳолатлардир, илгари қиролликда четдан кириб келган беморлар аниқланганди.

"Камбожа ҳудудида коронавирус юқтириш билан боғлиқ илк ҳолатлар мамлакат пойтахти Пномпен ва Сиемреап провинциясида қайд этилди. Ушбу ҳудудларда охирги суткада ўтказилган 2248та тест натижасида касалликка чалинганлар сони 14 нафарга етди", - деди ҳукумат раҳбари.

Хун Сеннинг қайд этишича, беморлар билан мулоқотда бўлганлар 14 кунлик карантинга жойлаштирилади.

"Агарда коронавирусни ўз вақтида тўхтатмасак, бу Камбожа учун фалокат бўлади", - деб таъкидлади у.

Тайёрлаган Дилшод Аскаров

#Камбожа #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.