Тошкентда жаҳон стандартларига жавоб берадиган ёпиқ турдаги сув ҳавзаси барпо этилади

Тошкент шаҳрининг Яшнобод туманида жаҳон стандартларига тўлиқ жавоб берадиган бассейннинг қурилиш ишлари олиб борилмоқда. Бу ҳақда Жисмоний тарбия ва спорт вазирлиги ахборот хизмати маълум қилди.

Фото: Жисмоний тарбия ва спорт вазирлиги матбуот хизмати

Қайд этилишича, мазкур спорт иншоотида сузиш, синхрон сузиш ва сув полоси бўйича Ўзбекистон терма жамоалари ҳамда аҳоли вакиллари шуғулланиши учун барча шароитлар яратилади.

Сув ҳавзаси шу йил сентябрь ойида тўлиқ фойдаланишга топширилиши режалаштирилган.

Ёпиқ турдаги сув ҳавзасининг 1-қаватида 50х20 ўлчамдаги бассейн, спортчилар учун ошхона, эркаклар ва аёллар учун сартарошхона, 2-қаватида маъмурият хоналари ва тренажёр зали жойлашади. 3-қаватда Ўзбекистон терма жамоаси аъзолари учун 40 ўринли ётоқхона қурилади.

#Тошкент #сув ҳавзаси

Kun.uz янгиликларини Google News'да кузатинг

+ Обуна бўлиш