Исроил ва БАА ўзаро элчихоналар очди

БАА ва Исроил ҳукуматлари кўп йиллик зиддиятдан кейин ўзаро элчихоналар очишга қарор қилди. 24 январда Абу-Дабида Исроил элчихонаси очилди. Ўз навбатида, БАА Исроил пойтахти Тел-Авивда элчихона очишни маъқуллади. 

БААда Исроил элчихонаси очилиши муносабати билан ушбу давлатга исроиллик дипломат Эйтан Наэ етиб келди. Айнан у элчихонага раҳбарлик қилади.

2020 йил 15 сентябрда БАА ва Баҳрайн Исроил билан муносабатларни яхшилаш ҳақида келишув имзолаганди. Ушбу давлатлар Миср ва Иорданиядан кейин араб оламининг Исроил билан дипломатик алоқалар ўрнатган 3- ва 4-давлатлари бўлди.

Таъкидлаш жоиз, Исроил ва БАА ўртасида 2020 йил августигача ўнлаб йиллар давом этган зиддиятга қарамасдан, икки давлат махсус хизматлар линияси бўйича кўп йиллик ҳамкорликка эга бўлган.