ЙҲХББ ҳайдовчиларга мурожаат билан чиқди

Ички ишлар вазирлиги Йўл ҳаракати хавфсизлиги бош бошқармаси барча йўл ҳаракати қатнашчиларига мурожаат билан чиқди.

Қайд этилишича, республика ҳудудида об-ҳаво шароити ўзгариб, қор ёғиб, ҳаво ҳарорати кескин совиганлиги айни вақтларда музламаларни юзага келтирмоқда. Шу сабабли ҳайдовчилардан:

• заруратсиз транспорт воситасини кўчага бошқариб чиқмасликни;
• зарурат билан чиққан вақтда ҳам белгиланган қоидаларга амал қилиб, оралиқ масофани сақлаган ҳолда ҳаракатланишни;
• газ ва тормоз тепкисини кескин босмасликни; 
• пиёдаларга эътиборли бўлишни, пиёдалардан эса йўлни белгиланмаган жойидан кесиб ўтмасликни;
• барча автомобил йўлларида, шаҳарлар марказларида, айниқса довон йўлларида етарлича паст тезликда ҳаракатланиб, эҳтиёткор бўлиш сўралган. 

«Яна бир бор заруратсиз автотранспорт воситасини кўчага бошқариб чиқмасликларини сўраймиз», дея якунланади маълумот.