Самарқандда 3500 доллар эвазига фуқарони ҳарбий хизматга жўнатмоқчи бўлган шахсга жиноят иши қўзғатилди
Самарқанд вилояти Каттақўрғон туманида 3500 АҚШ доллари эвазига фуқарони ҳарбий хизматга жўнатмоқчи бўлган фирибгарга жиноят иши қўзғатилди. Бу ҳақда Бош прокуратура ҳузуридаги иқтисодий жиноятларга қарши курашиш департаменти Самарқанд вилоят бошқармаси маълум қилмоқда.
Маълум бўлишича, прокуратура ҳузуридаги департаментнинг Каттақўрғон тумани бўлими томонидан ўтказилган терговга қадар текширувда фуқаро У.Т. фуқаро К.Н.ни ҳарбий хизматга жўнатиш ҳамда шартнома асосида ҳарбий хизматда қолиш масаласини ҳарбий хизматда ишловчи танишлари орқали ижобий ҳал қилиб бериш эвазига 3 500 долларни фирибгарлик йўли билан қўлга киритганлиги аниқланган.
Қайд этилишича, мазкур ҳолат юзасидан У.Т.га нисбатан жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, ҳозирда тергов ҳаракатлари ўтказилмоқда.
Мавзуга оид
11:26 / 10.10.2024
Самарқандда содир бўлган ЙТҲда Lacetti ҳайдовчиси ҳалок бўлди
14:27 / 09.10.2024
Самарқанддаги ЙТҲда пиёда ҳалок бўлди
12:21 / 07.10.2024
Самарқандда содир бўлган ЙТҲда ҳайдовчи ҳалок бўлди
14:57 / 06.10.2024