Евро-2020. E гуруҳи
Испания — Швеция — 0:0
Испания: Симон, Жорди Альба, Ляпорт, Пау Торрес, Коке (Руис, 87), М.Льоренте, Ольмо (Морено, 74), Эрнандес (Тиагу Алькантара, 66), Торрес (Ойярсабаль, 74), Мората (Сарабия, 66), Педри.
Швеция: Ульсен, Лустиг (Крафт, 75), Аугустинссон, Линделёф, Даниэльсон, Себ.Ларссон, Экдаль, Форсберг (Бенгтссон, 84), Олссон (Каюсте, 84), Берг (Классон, 69), Исак (Куайзон, 69).
Огоҳлантириш: Лустиг, 55.
Ҳакам: Винчич. Кланчник, Ковачич (барчаси — Словения).
ВАР: Кланчник (Словения). Беттс, Кавана (иккиси — Англия), Блом (Нидерландия).
14 июнь. Севилья. «Олимпийский» стадиони. 10559 томошабин.
Испаниянинг ҳозирги таркиби имкониятлари борасида турнирдан олдин анча эҳтиёткорлик билан гапиришди ва Луис Энрике шогирдларини фаворитлар қаторига қўшишга шошилишмади. «Қизил фурия» сафида бўлганлардан ҳозир фақат икки киши қолган: Жорди Альба ҳамон бошланғич таркибда майдонга чиқмоқда, Серхио Бускетс эса коронавирусга чалинган. Натижада Евро арафасида испанлар жамоасининг барча футболчилари эмланди, шведларга қарши эса улар иммун жавоби фонида ўйнашди.
Аҳамиятлироқ бўлган бошқа фон ҳам бор. Луис Энрике Европа чемпионатига Серхио Рамосни заявка қилмаган, бу эса сал қолса мамлакатда фуқаролик урушига сабаб бўларди. Мураббий бу қарорга 27 ёшга чиқиб ниҳоят терма жамоага муносиб ўйнай бошлаган Эмерик Ляпорт туфайли келди. Бу ўйин унинг учун Испания либосидаги иккинчи ўйин бўлди, у ўсмирлар ва ёшлар жамоаларида Франция термаси шарафини ҳимоя қилганди.
Энрикега таркиб борасида эътирозлар биргина Рамос билан чекланмайди. Унга якунланган мавсумда «Атлетик Бильбао» сафида умидли ҳаракат қила олмаган дарвозабон Унаи Симон (у Ла Лиганинг 37 ўйинида 36 гол ўтказган, жамоа турнирни 10-ўринда якунлаган) танлови борасида ҳам саволлар етарли. Шунингдек, «Атлетико»нинг чемпионлик мавсумида ҳужумкор позицияда ўйнаган Маркос Льорентени ўнг қанот ҳимоясига қўйгани тушунарсиз ҳол.
Исталган мураббий каби Энрике ўз танқидчиларига яхши натижалар билан жавоб қайтариши мумкин. Ўйин бошидаёқ испанлар тўпга эгалик қилишди ва шведларни ўйин давомида югуришга мажбур қилишди. Биринчи бўлим ўрталарида тўпга эгалик қилиш бўйича устунлик қойил қоларли эди — 81 фоизга 19 фоиз.
Ўз навбатида, скандинавлар туриб беришди. Мезбонлар биринчи бўлимда ўртача ҳар 10 дақиқада биттадан яхши вазият ярата олишди. Энг яққол вазиятларнинг бирини Альваро Мората йўққа чиқарди ва жамоадошларининг жаҳлини чиқарди. Танаффус арафасида Александр Исак Швециянинг илк 45 дақиқаликдаги илк хавфли ҳужумини голга айлантириши мумкин эди: форварднинг зарбасидан кейин тўп Льорентенинг оёқларига тегиб дарвоза устунига борди, кейин дарвозабон тўпни эгаллаб олди.
