Самарқандда таниқли актриса номидан сохта саҳифа очиб, одамларнинг пулларини ўзлаштирган 10-синф ўқувчиси ушланди
Самарқандда таниқли актриса номидан сохта саҳифа очиб, одамларнинг банк карталаридаги пулларини ўзлаштирган 10-синф ўқувчиси ушланган. Бу ҳақда ИИВ Киберхавфсизлик маркази хабар бермоқда.
Маълум қилинишича, жорий йилнинг 15 март куни Нукус шаҳрида яшовчи Д.К. шаҳар ИИБга мурожаат қилган. Мурожаатда ёзилишича, 14 март куни қизи Н.Р.нинг Instagram ижтимоий тармоғидаги профилига «giveaway-asal» ва «asalshodieva_dar1t» номи билан очилган номаълум саҳифаларнинг эгаси томонидан «Сиз 200 минг сўм пул мукофотини ютиб олдингиз» деган мазмундаги хабар келган. Номаълум шахс билан ёзишма жараёнида Н.Р. унинг алдовларига ишониб, ўзига тегишли банк картасининг коди ва паролини унга ёзиб юборган. Сўнг шу куни соат 21:00ларда банк картасида мавжуд бўлган жами 600 минг сўм миқдордаги пули йўқолганини билиб қолган.
Қайд этилишича, ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилган. Олиб борилган тезкор-техник тадбирлар натижасида ушбу жиноятни Самарқанд шаҳрида яшовчи 2003 йилда туғилган А.А. содир этгани аниқланган. Ҳозирда ушбу фуқаронинг бошқа турдош жиноятларга алоқадорлиги текширилмоқда.
Мавзуга оид
15:49 / 02.10.2024
Самарқандда тормози ишламай қолган “Камаз” 7 та машинани пачоқлади
19:00 / 13.09.2024
Ургутда табиатга 1 млрд сўмдан ортиқ зарар етказилгани маълум бўлди
13:30 / 01.09.2024
Самарқандда 10 минг долларга гиёҳвандлик моддасини сотаётган шахслар ушланди
13:40 / 11.08.2024