Хитой ҳукумати пандемияга қарши курашиш ва ижтимоий иқтисодий ривожланишни тиклаш учун ривожланаётган мамлакатларга яқин уч йил ичида 3 млрд доллар маблағ ажратади. Бу ҳақда ХХР раиси Си Цзинпин маълум қилди.
"Хитой ривожланаётган мамлакатларга 500 млн доза вакцина етказиб берди. Ривожланаётган мамлакатларнинг пандемияга қарши курашиши ва ижтимоий-иқтисодий ривожланишига ёрдам бериш учун яқин уч йилда 3 млрд доллар ажратамиз", - дея унинг сўзларидан иқтибос келтирмоқда Хитой марказий телевидениеси.
"Биз ҳамкорлик учун бирлашишимиз, қийинчиликларни биргаликда енгишимиз лозим", - деди у.
Си Цзинпиннинг сўзларига кўра, Хитой ҳукумати Осиё-Тинч океани иқтисодий ҳамкорлиги форумига пандемияга қарши курашиш ва иқтисодий тикланиш фондини ташкил этиши учун ҳам маблағ ажратади.
