Ўрта махсус ислом билим юртларига тест ўтказиладиган сана маълум бўлди

Ўрта махсус ислом билим юртларига кириш тест синовлари ўтказиладиган сана маълум бўлди. Бу ҳақда Дин ишлари бўйича қўмита Давлат тест марказига таянган ҳолда хабар қилмоқда.

Қайд этилишича, Ўзбекистон мусулмонлар идораси тасарруфидаги ислом билим юртларига ўқишга қабул қилиш бўйича тест синовлари 18 август куни соат 19:00да бошланади.

Тест синовлари республика бўйича қуйидаги очиқ майдонларда ўтказилади:

Қорақалпоғистон Республикаси – «Турон» марказий стадиони;
Андижон вилояти – Спортнинг ўйин турлари ва енгил атлетикага ихтисослаштирилган болалар-ўсмирлар спорт мактаби стадиони (3-сектор);
Наманган вилояти – 17-болалар ўсмирлар спорт мактаби «Навбаҳор-умид» стадиони;
Бухоро вилояти – «Дилкушо» теннис спорт мажмуаси;
Хоразм вилояти – Футбол академияси қошидаги «Хоразм» спорт мажмуаси (1-сектор);
Сурхондарё вилояти – Термиз ихтисослаштирилган олимпия захиралари мактаб-интернати футбол майдони;
Қашқадарё вилояти – «Насаф» футбол клуби машғулотлар майдони (2-сектор);
Тошкент шаҳри – Ботаника боғи (1-2-3-4-секторлар).

Талабгорлардан тест синови ўтказиладиган ҳудудга шахсини тасдиқловчи ҳужжат ва тест синовида иштирок этиш учун рухсатнома билан 18:30дан кечикмаган ҳолда келишлари сўралмоқда.