Андижонда юз берган ЙТҲ оқибатида 3 нафар талаба ҳалок бўлди

Андижонда юз берган йўл-транспорт ҳодисаси оқибатида уч нафар фуқаро ҳалок бўлди. Бу ҳақда Бош прокуратура ахборот хизмати хабар қилди.

Ижтимоий тармоқларда жорий йилнинг 21 сентябрь куни Андижон шаҳри, Боғишамол даҳасида бўлган аянчли авария оқибатида “Трекер” ичида бўлган 3 нафар талабалар ҳалок бўлгани ҳақида видеохабарлар тарқалди.

Бош прокуратура маълумотига кўра, ушбу ҳодиса оқибатида 3 нафар шахс вафот этган ва 1 нафар шахс тан жароҳати олган.

Мазкур ҳолат юзасидан жорий йилнинг 22 сентябрь куни Жиноят кодексининг 266-моддаси билан жиноят иши қўзғатилган.