Google энг арзон смартфонини намойиш этди

Фото: gizchina.com

Google компанияси Jio Phone Next смартфонини намойиш этди.

Jio Phone Next - Google ва Ҳиндистоннинг Reliance Jio компанияси биргаликда ишлаб чиқарган маҳсулот.

Қурилма 720×1440 пикселли диагонали 5,5 дюйм бўлган HD+ экран билан жиҳозланган. Унга тўрт ядроли Snapdragon 215 процессори, Adreno 306 график тезлаткичи ва Android 11 Go операцион тизими ўрнатилган.

Смартфон 2 ГБ тезкор ва 16 ГБ доимий ҳамда 3 ГБ тезкор ва 32 ГБ доимий хотирага эга иккита версияда чиқарилади. Батарея сиғими 2500 мАс.

Jio Phone Next 13 мегапикселли асосий ва 8 мегапикселли олд камерага эга.

Basic версиясининг нархи 66 доллар ва Advanced версиясининг нархи 93 долларни ташкил этади.