АПЛ. Роналду Сульшерни қутқарди, «Сити»да сенсацион мағлубият, «Ливерпуль»да дуранг, «Челси»да йирик ғалаба ва бошқа натижалар

30 октябрь, шанба куни АПЛ 10-тури доирасида 7та учрашув ўтказилди.

Турнинг сенсацион натижаси «Манчестер Сити» ва «Кристал Пэлас» ўртасида кузатилди. Гвардиола шогирдлари мухлислари қаршисида мағлубиятга учради. Заҳа 6-дақиқадаёқ ҳисобни очган бўлса, Галлахер 88-дақиқада «Сити» дарвозасига иккинчи голни йўллади. Шу куни мезбонлар сафида Лапорт 45-дақиқада майдондан четлатилди.

Яна бир кутилмаган натижалардан бири «Энфилд»да кузатилди. «Ливерпуль» ўтган турда Манчестердан йирик ҳисобдаги ғалаба билан қайтган бўлса, бугунги ўйинда «Брайтон»ни мағлуб эта олмади. Клопп жамоаси 2:0 ҳисобидаги ғалабани қўлдан чиқаришди. Мвепу ва Троссарднинг голлари меҳмонларга дуранг келтирди – 2:2.

«Челси» ҳимоячи Жеймснинг дубли эвазига «Ньюкасл»ни йирик ҳисобда мағлуб этган бўлса, «Саутҳэмптон» ва «Бёрнли» ҳам ўз ҳисобига уч очко ёзиб қўйди.

Куннинг сўнгги учрашуви «Тоттенҳэм» ва «МЮ» ўртасида Лондонда ўтди. Меҳмонларнинг ушбу учрашувдаги мағлубияти Сульшернинг истеъфоси билан тугаши ҳақида хабарлар бор эди. Шу куни меҳмонлар аввалгидек 4-4-2 эмас, 5-3-2 схемасида майдонга тушишди ва позицион ҳужумларга эътибор қаратишди.

Учрашувнинг 39-дақиқасида Брунунинг узатмасидан кейин Роналду ажойиб зарбаси билан ҳисобни очиб, АПЛдаги 5 ўйинлик голсиз сериясига барҳам берди – 1:0. 64-дақиқада эса Роналдунинг ассистидан кейин Эдинсон Кавани яккама-якка вазиятда Льорисга имконият қолдирмади – 2:0. Роналдунинг ўрнига захирадан майдонга тушган Рэшфорд Матичнинг 86-дақиқадаги узатмасини голга айлантириб, ҳисобни йирик кўринишга келтирди – 3:0. Бу ғалаба Сульшернинг яна лавозимида қолишини таъминлади.

Шу тариқа, «Челси» 25 очко билан яққол пешқадамга айланди, «Ливерпуль» 22 очко билан 2-ўринда, «Сити» эса 20 очко билан 3-ўринда бормоқда. «Брайтон» 16 очко билан 6-поғонани эгаллаб турибди. «МЮ» очколари сонини 17тага етказиб, 5-ўринга кўтарилди. «Тоттенҳэм» эса 15 очко билан 8-поғонада бормоқда.

АПЛ. 10-тур. 30 октябрь

Манчестер Сити – Кристал Пэлас 0:2
Голлар: 0:1 – 6 Заҳа, 0:2 – 88 Галлахер.
Манчестер Сити – Эдерсон, Уокер, Лапорт, Рубен Диаш, Жоау Канселу (Марез, 78), де Брюйне (Стоунз, 59), Бернарду Силва, Родри, Грилиш (Стерлинг, 78), Фоден, Габриэл Жезус.
Кристал Пэлас – Гуаита, Уорд, Андерсен, Гехи, Митчелл, Куяте, Макартур, Галлахер, Айю (Бентеке, 65), Заҳа, Эдуар (Шлупп, 73).
Четлатиш: Лапорт (45).

Ливерпуль – Брайтон 2:2
Голлар: 1:0 – 4 Ҳендерсон, 2:0 – 24 Мане, 2:1 – 41 Мвепу, 2:2 – 65 Троссард.
Ливерпуль – Алиссон, Александер-Арнолд, ван Дейк, Конате, Робертсон, Хендерсон, Кейта (Окслейд-Чемберлен, 20), Джонс (Минамино, 87), Фирмино (Диогу Жота, 78), Салоҳ, Мане.
Брайтон – Санчес, Велтман, Даффи, Данк, Кукурелья, Лаллана (Гросс, 77), Марч, Модер (Лэмпти, 66), Биссума (Мак Аллистер, 60), Мвепу, Троссард.

Ньюкасл – Челси 0:3
Голлар: 0:1 – 65 Жеймс, 0:2 – 77 Жеймс, 0:3 – 81, пенальти Жоржиньо.
Ньюкасл – Дарлоу, Манкильо, Кларк, Ласселс, Крафт, Ритчи, Фрэйзер (Уиллок, 66), Хэйден (Альмирон, 67), Лонгстафф (Шелви, 81), Сен-Максимен, Уилсон.
Челси – Менди, Жеймс, Тиаго Силва, Рюдигер, Кристенсен, Чилуэлл, Жоржиньо, Канте (Лофтус-Чик, 64), Зиёш (Баркли, 64), Ҳавертц, Ҳадсон-Одои.

Бернли – Брентфорд 3:1
Голлар: 1:0 – 4 Вуд, 2:0 – 32 Лоутон, 3:0 – 36 Корне, 3:1 – 79 Годдос.
Бернли – Поуп, Лоутон, Ми, Тарковски, Тэйлор, Гудмундссон, Вествуд, Браунхилл, Вуд, Корне (Видра, 68), Макнил.
Брентфорд – Альваро Фернандес, Йоргенсен, Янссон, Пиннок, Генри, Канос (Роэрслев, 77), Нергор, Йенсен (Янельт, 68), Оньека (Годдос, 58), Тоуни, Форсс.

Уотфорд – Саутҳемптон 0:1
Гол: 0:1 – 20 Адамс.
Уотфорд – Фостер, Кэткарт, Трост-Эконг, Мазина, Сиссоко, Куцка, Нгакиа (Флетчер, 82), Сарр, Кинг, Жоао Педро (Клеверли, 46), Эрнандес (Сема, 46).
Саутҳемптон – Маккарти, Ливраменто, Беднарек, Салису, Уокер-Питерс, Эльюнусси (Армстронг, 70), Редмонд, Ромеу, Уорд-Проуз (Диалло, 80), Армстронг, Адамс.

Тоттенҳэм – Манчестер Юнайтед 0:3
Голлар: 0:1 – 39 Роналду, 0:2 – 64 Кавани, 0:3 – 86 Рэшфорд.
Тоттенҳэм – Льорис, Эмерсон, Дайер, Ромеро, Дэвис, Сон Ҳён Мин, Лукас Моура (Бергвейн, 54), Ҳейбьерг, Ло Чельсо (Алли, 73), Скипп (Ндомбеле, 66), Кейн.
Манчестер Юнайтед – Де Хеа, Уан-Биссака, Варан, Магуайр, Линделеф, Шоу, Фред, Бруну Фернандеш (Матич, 76), Мактомини, Роналду (Рэшфорд, 71), Кавани (Лингард, 82).

31 октябрь 
Норвич – Лидс, Астон Вилла – Вест Ҳэм

1 ноябрь 
Вулверҳэмптон – Эвертон.