Сурхондарё вилояти Денов туманида содир бўлган йўл-транспорт ҳодисасида пиёда вафот этган. Бу ҳақда вилоят ИИБ ЙҲХБ ахборот хизмати хабар бермоқда.
Маълум қилинишича, 2021 йил 4 декабр куни соат 21:30 ларда Денов тумани Тотувлик маҳалласи ҳудудида ўлим билан боғлиқ йўл-транспорт ҳодисаси содир бўлган.
1997 йилда туғилган ҳайдовчи бошқарувида бўлган «ВАЗ-2106» машинаси йўлни кесиб ўтаётан пиёдани уриб юборган. Оқибатда жабрланувчи оғир тан жароҳатлари олиб шифохонада вафот этган.
Қайд этилишича, ҳозирда ҳолат юзасидан Денов тумани ИИБ ЙҲХБ томонидан суриштирув ишлари олиб борилмоқда.