Пекинда омикрон штамми билан боғлиқ дастлабки ҳолат аниқланди

Маълум қилинишича, бемор охирги 14 кун давомида Пекин шаҳридан ташқарига чиқмаган.

Фото: Xinhua

Хитой пойтахти Пекинда коронавируснинг омикрон штамми билан боғлиқ дастлабки ҳолат қайд этилди. Бу ҳақда шаҳар касалликларни назорат ва профилактика қилиш маркази хабар берди.

"15 январ куни Пекинда коронавирус юқтириш билан боғлиқ янги ҳолат қайд этилди", - дейилади хабарда.

Хабарда гап омикрон штамми ҳақида бораётгани маълум қилинган.

Аниқлик киритилишича, бемор шаҳар шимоли-ғарбида яшайди. У охирги 14 кун давомида ҳеч бир провинция ёки шаҳарга бормаган.

Пекинда 4-20 феврал кунлари қишки Олимпиада ўйинлари бўлиб ўтади.

Тайёрлаган Дилшод Аскаров

#Пекин #омикрон

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.