Саакашвили яна очлик эълон қилди

Михаил Саакашвили 20 ноябр куни Гори шаҳридаги ҳарбий ҳоспиталга кўчирилганидан сўнг очликни тўхтатганди.

Фото: Ираклий Геденидзе/POOL/ТАСС

Грузия собиқ президенти Михаил Саакашвили очлик эълон қилди.

"Ҳокимиятнинг менга ва халқимга нисбатан муносабатига норозилик сифатида бугундан бошлаб муддатсиз очлик эълон қиламан. Соғлигим иккинчи даражали, асосийси – халқим тақдири", - деди Саакашвили судда.

Саакашвили Грузияга 2021 йил 29 сентябрда келганди. У 1 октябр куни қўлга олинган ва Рустави шаҳридаги қамоқхонага жўнатилган.

Саакашвили қамоққа олинганидан сўнг очлик эълон қилган, 8 ноябрда Тбилисидаги қамоқхона шифохонасига ётқизилганди. У 20 ноябр куни Гори шаҳридаги ҳарбий ҳоспиталга кўчирилганидан сўнг очликни тўхтатганди.

Сиёсатчи бир нечта жиноят ишларида айбланмоқда. Саакашвили ҳибсга олинишини ноқонуний, айбловларни эса сохталаштирилган деб ҳисоблайди.