Қўшимча функционаллар
-
Тунги кўриниш
ЙПХ ходимининг тасвирини унинг рухсатисиз тарқатиш тақиқланиши мумкин
Ички ишлар вазирлиги ЙПХ ходимларининг хизмат вақтидаги фото ва видеосини уларнинг рухсатисиз интернетга жойлаштиришни тақиқламоқчи. Бу ҳужжат лойиҳаси учун асос бўлгани айтилаётган қарор очиқ манбаларда эълон қилинмаган.
Фото: Kun.uz
Ўзбекистонда йўл ҳаракати қатнашчиларига ЙПХ ходимининг ўз хизмат вазифаларини бажариши билан боғлиқ ҳолатда олинган фото ва видео тасвирларини унинг рухсатисиз тарқатмаслик мажбурияти юклатилиши мумкин.
Ички ишлар вазирлиги шуни назарда тутувчи ҳукумат қарори лойиҳасини ишлаб чиқди. Лойиҳа 29 мартгача давом этадиган жамоатчилик муҳокамасига қўйилган.
Тушунтириш хатида ёзилишича, ҳужжат лойиҳаси президентнинг “Ички ишлар органлари ходимларини ижтимоий ҳимоя қилиш тизимини янада яхшилаш чора-тадбирлари тўғрисида” 2022 йил 8 февралдаги ПҚ–118-сон қарори 4-бандига мувофиқ ишлаб чиқилган.
Мазкур қарор очиқ манбаларда йўқ; хусусан, lex.uz миллий ахборот базасига ҳам жойланмаган.
Муҳокамага қўйилган ҳукумат қарори лойиҳасининг изоҳида қайд этилишича, 118-сонли қарорнинг 4-бандида 3 ой муддатда ҳуқуқ-тартибот органлари ходимларининг ўз хизмат вазифасини бажариш чоғида олинган видео ва фототасвирларни уларнинг рухсатисиз тўғридан тўғри интернет тармоғига жойлаштиришни тақиқлаш ҳамда бундай хатти-ҳаракат учун жавобгарликни белгилаш бўйича таклифлар киритиш вазифаси белгиланган.
Мавзуга оид
17:59 / 20.11.2024
Президент норматив-ҳуқуқий ҳужжатлар лойиҳалари жамоатчилик билан муҳокама қилинмаётганига эътироз билдирди
16:25 / 19.09.2024
«Судга ижтимоий босимнинг олдини олиш учун жараён ёпиқ ўтказиляпти» – Судялар олий кенгаши Азиз Воитов иши ҳақида
15:31 / 12.09.2024
Азиз Воитов суди ёпиқ тарзда кўриладиган бўлди
14:36 / 06.09.2024