Vazir örinbosari içki işlar xodimlarini videoga olib tarqatiş javobgarlikka sabab bölişini aytdi. Ğiyosov izoh berdi

“Erkinlikni suiiste’mol qiladiganlar köpayib ketdi. Ayniqsa, avtoblogerlar misolida aytadigan bölsam, xodimlarni obrösizlantirişni odatga aylantirib olişdi. Bizga yetib kelgan ma’lumotlarga köra, ular YHXX xodimlari bilan janjal, tortişuv aks etgan videolarni yuborganlarga 100 ming sömdan beş yuz ming sömgaça tölaşmoqda. Maqsad aniq – “prosmotr”lar sonini köpaytiriş.

Buni heç qanaqasiga jamoatçilik nazorati deb bölmaydi. Bu töğridan töğri xizmat faoliyatiga tösqinlik qiliş, içki işlar tizimini obrösizlantiriş hisoblanadi. Garçi,qonun hamda vakolatlaridan çetga çiqmay işlayotgan bölsa-da, videolari montaj qilingan holda tarqab ketayotgani YHXX xodimlarining kayfiyatiga, işçanligiga ta’sir qilayotganini körib-bilib turibmiz”, deydi u.

Eslatib ötiş kerakki, Içki işlar vaziri matbuot kotibi Şohrux Ğiyosov 2020 yilning 15 dekabr kuni AOKAda bölib ötgan matbuot anjumanida içki işlar xodimlari işiga xalaqit bermagan holda tasvirga oliş va xohlagan platformaga videoni qöyiş mumkinligini ta’kidlagandi.

“Biz içki işlar organlari — davlat xizmatçisimiz. Davlat xizmatçisini xohlagan odam, xohlagan vaqtda tasvirga olişi mumkin va xohlagan platformaga uşbu videoni qöyişi mumkin. Bu heç qayerda taqiqlanmagan. Lekin bitta narsa mumkin emas va iltimos qilinadi: xodimlarning işiga xalaqit beriş kerak emas. Içki işlar organlari xodimlari, post-patrul va yöl-patrul xizmati xodimlari işiga xalaqit bermagan holda xohlagan joyingizda va xohlagança tasvirga olişingiz mumkin”, – deb aytgandi öşanda Şohrux Ğiyosov.

Içki işlar vazirining matbuot kotibi ayni paytda davlat xizmatçilarini, jumladan, içki işlar xodimlarini videoga oliş qonunan taqiqlanmagani, davlat rahbarining topşiriğiga binoan qonunçilikka kiritiladigan özgarişlarda bu borada kuzatilayotgan muammolar tartibga solinişini aytadi.

“Öşa paytda aytgan sözlarim hozir ham kuçida. Ayni paytdagi qonunçilikka köra, jamoatçilik nazorati instrumenti sifatida davlat xizmatçilarini bemalol tasvirga olib, tarqatiş mumkin. Bugungi kunda bu borada heç qanday muammo yöq. Hozir ham bu me’yor öz kuçida.

Vazir örinbosari xodimlarni videoga olib tarqatganlik uçun ma’muriy javobgarlik belgilanişi mumkinligini aytganda “ularning ruxsatisiz” deb aytgan edi. Internetga tarqatiş uçun xodimning ruxsati talab etiladi. Masalan, biz jurnalist va blogerlarga bir narsani e’lon qilişdan oldin bizdan izoh olişini, qaysidir holatni notöğri talqin qiliş orqali asossiz ma’lumot tarqatgan bölib qolişlari mumkinligini, buning uçun esa javobgarlik borligini doim aytib kelamiz.

Fuqarolar içki işlar xodimlari bilan qandaydir nizoli vaziyat yuzaga kelganida yoxud ular xizmat vakolatidan taşqariga çiqqanida, özlari uçun jarayonni videotasvirga olişlari mumkin. Hali bu jarayon endi boşlandi, bu böyiça hujjat işlab çiqilgani yöq. Işlab çiqilgaç, u muhokamaga qöyiladi. Şunda ham butunlay taqiqlaş yölidan borilmaydi. Ammo sohadagi mavjud muammolardan kelib çiqib xodimlarni videoga oliş va tarqatiş jarayoni qonun bilan tartibga solinadi”, deya ta’kidlaydi Şohrux Ğiyosov.

Eslatib ötamiz, 2021 yil 29 noyabrdagi 27-sonli prezident farmoni bilan tasdiqlangan Özbekiston Respublikasi jamoat xavfsizligi konsepsiyasida ommaviy axborot vositalari va internet orqali jamoat xavfsizligini ta’minlaş böyiça vakolatli davlat organlari xodimlarini obrösizlantiriş holatlarining oldini oliş va ularga barham berişning taşkiliy-huquqiy asoslarini takomillaştiriş közda tutilgan.