Сурхондарё вилояти ҳокими ўринбосари Самарқанд вилояти ҳокимига ўринбосар бўлди

Самарқанд вилояти ҳокимига янги ўринбосар тайинланди. Бу ҳақда вилоят ҳокимлиги ахборот хизмати хабар бермоқда.

Фото: t.me/e_turdimov

Баҳодир Қодиров Самарқанд вилояти ҳокимининг жамоат ва диний ташкилотлар билан алоқалар бўйича ўринбосари лавозимида иш бошлади.

Баҳодир Қодиров 1976 йилда Сурхондарё вилоятининг Музработ туманида туғилган, Тошкент давлат юридик институтини тамомлаган.

У меҳнат фаолияти давомида Сурхондарё вилояти Адлия бошқармаси, Тошкент шаҳридаги ҳарбий қисм ҳарбий хизматчиси, Қашқадарё вилояти ҳокимининг жамоат ва диний ташкилотлар билан алоқалар бўйича ўринбосари бўлиб ишлаган.

Баҳодир Қодиров ушбу тайинловга қадар Сурхондарё вилояти ҳокимининг жамоат ва диний ташкилотлар билан алоқалар бўйича ўринбосари лавозимида фаолият олиб борган.